Бо мақсади пешгирии тамоюли бегонапарастӣ ва ташвиқу тарғиби либоси миллӣ бо ибтикори омӯзгори калони кафедраи физиологияи нормалӣ Иргашева Ҷ. З. бо иштироки доираи васеи донишҷӯёни курси 2-юми факултети тиббӣ семинари омӯзишӣ дар мавзуи “Нақши либоси миллӣ дар ҳифзи фарҳанги миллӣ” гузаронида шуд.

Зимни баромади хеш номбурда изҳор доштанд, ки тоҷикон қадимтарин маскунони Осиёи Марказӣ буда, дар таъриху тамаддуни умумибашарӣ нақши муассир гузоштаанд. Яке аз нишонаҳои асосии фарҳанги рангину бойи миллати куҳанбунёди тоҷик ин либоси миллӣ буд. Либоси миллии тоҷикон таҷассумгари зебоипарастӣ ба ҳисоб меравад ва ҳар як амали неку маданияти ғании таърихӣ дар торҳою гулдузиҳояшон маҳфуз мебошад.

Дар идомаи чорабинӣ омӯзгор шогирдонашонро ҳидоят намуданд, ки ба таъриху фарҳанги ниёгони хеш арҷ гузоранд ва бо анҷом додани ин анъанаи неки миллӣ метавонанд руҳи поки аҷдодони озодипарасту фарҳангдӯсти худро шод намоянд. Таъкид гардид, ки ҳамасола дар аввали моҳи баҳори нозанин дар мамлакат аксияи ҷумҳуриявии “Тоҷикона мепӯшем” роҳандозӣ мешавад ва қишри ҷаавони ҷомеа бахусус ҷавондухтарон бояд онро сармашқи ҳаёти рӯмарраи хеш қабул намоянд.

Кафедраи физиологияи нормалӣ