Эразмус + (Erasmus+) барномаи Иттиҳоди Аврупо (ИА) доир ба маориф, тайёр кардани кадрҳо, ҷавонон ва варзиш дар давраи солҳои 2014-2020 ба шумор меравад. Дар асос барномаи Эразмус + (Erasmus+) барои тақвият додани ҳамкориҳо дар соҳаи макотиби олӣ равона карда шудааст. Ҳамзамон дар доираи барнома ду самти коркард гардидаст:

1. Key Action 1 (KA 1: Learning Mobility of Individuals) – Мубодилаи академӣ барои донишҷӯён ва омӯзгорон;

2. Key Action 2 (KA 2: Capacity building in the fields of Higher Education) – Тақвият додани иқтидори макотиби олӣ.

Барномаи Эрасмус+ аз ҷониби Комиссияи Аврупоӣ маблағгзорӣ карда мешавад. Маблағи ҷудогардида дар байни донишгоҳҳо, марказҳои тадқиқотӣ, муаллимон ва донишҷӯён тақсим мешаванд. Барнома дар мадди аввал барои ба имзо расонидани созишномаи шарикии байни донишгоҳҳои Аврупо ва дигар минтақаҳо равона гардида аз лиҳоз бештари маблағгузорӣ дар самти мактабҳои олӣ равона карда мешаванд. Барномаи бурсиявии Эрасмус+ бевосита дар асоси шартномаҳои байни 2-3 муассисаи таълимӣ муайян карда шудааст.

Татбиқи барномаи Эрасмус+ аз ҷониби Агентии иҷроияи маориф, фарҳанг ва асбоби аудиовизуалӣ (EACEA – Education, Audiovisual and Culture Executive Agency) дар Брюссел амалӣ карда мешавад.

Дар кишварҳои шарики лоиҳа, аз ҷумла Тоҷикистон барномаи мазкур аз ҷониби Идораи миллии Эрасмус + (Erasmus Plus) ҳамоҳанг карда мешавад.

Key Action 1 (KA 1):

► Қисмати якум доир ба мубодилаи академӣ барои донишҷӯён, интернаҳо, ординаторон,магистрон, ва PhD доктарантон бо мақсади таҳсил бо эътирофи пурраи кредитҳо, таҳия гардидааст. Давомнокии иштирок дар барнома метавонад аз 3 то 12 моҳро фаро гирифта бошад. Барои иштирок кунандагони барнома дар риштаи тибб давомнокӣ метавонад то 24 моҳ давом ёбад;

► Ба роҳ мондани мубодилаи академӣ ҷиҳати таҷрибаомӯзии донишҷӯён аз кишварҳои шарик (Тоҷикистон) – таҷрибаомӯзӣ дар ҷойҳои корӣ дар кишварҳои лоиҳа (кишварҳои Аврупо) давомнокии барнома аз 2 моҳ то 12 моҳ мебошад;

► Мубодилаи академии муаллимон аз 5 то 60 рӯз;

Мушкилотҳо ҷиҳати иштироки донишҷӯён дар барномаи мубодилаи академӣ:

► мавҷуд набудани шартномаҳои дуҷониба бо донишгоҳҳои кишварҳои лоиҳа (ин донишгоҳҳои Иттиҳоди Аврупо, ки донишгоҳи шарик дар Осиёи Марказӣро интихоб мекунад);;

► интихоби донишҷӯён (магистрон ё ин ки танҳо донишҷӯёни курси 5 курс ё ин ки донишҷӯёни курси 4, ё танҳо муаллимон, ) аз ҷониби донишгоҳҳои қабулкунандаи кишварҳои лоиҳа;

► паст будани натиҷаи GPA дар донишгоҳҳои таҳсилкунанда;

► мавҷуд набудани корҳои илмии донишҷӯ метавонад яке аз монеъаҳои асосӣ дар давоми озмун гардад;

► нодуруст тартиб додани мактуби ҳавасмандӣ;

► мавҷуд набудани дониши кофии забони хориҷӣ – забони англисии академӣ, ки дар сатҳи B2 (TOEFLiBTmin 72, IELTSmin 5.5) бояд бошад;

► бо дарназардошти он, ки дар донишгоҳҳои аврупоӣ, тибб дар сатҳи то дипломи дар асоси системаи таълимии проблемавӣ омӯзонида мешавад, аз ин лиҳоз дар озмун танҳо донишҷӯёни курсҳои болоӣ яъне курсҳои 4-ум ва 5-уме, ки дарсҳои сиклӣ доранд, иштирок карда метавонанд.

Key Action 2 (KA 2):

• Сохторӣ лоиҳаҳо (Structural Project) – ки ба таъсироти системавӣ ва пешбурди ислоҳот дар сатҳи миллӣ ва ё минтақавӣ бо дастгирии мақомотҳои иҷроияи давлатӣ дар мамлакатҳои шарик равона шудаанд:
  • такмил додани сиёсати давлатӣ, идоракунӣ ва менеҷменти системаи таҳсилоти олӣ;
  • тақвияти додани муносибатҳои байни системаҳои таҳсилоти олӣ ва муҳити иҷтимоӣ ва иқтисодӣ.
• Лоиҳаҳои муштарак (Joint Project) - ки ба ҳамкории байни институтсионалӣ дар сатҳи донишгоҳҳо равона карда шудааст:
  • коркард ва рушди барномаҳои таълимӣ;
  • идоракуни ва менеҷмент дар донишгоҳҳо;
  • таҳкими робитаҳои донишгоҳ бо муҳити иқтисодӣ ва иҷтимоии беруна.

Давомнокии лоиҳаҳо –аз 24 то 36 моҳро ташкил медиҳад. Маблағи грантҳо – 500 ҳаз.-1 млн. Евро мебошад.

Дар озмун консорсиуми донишгоҳҳо иштирок мекунанд: аз кишварҳои лоиҳа, на камтар аз 2 донишгоҳ ва инчунин аз кишварҳои шарики лоиҳа на камтар аз 2 донишгоҳ. Дар лоиҳаҳои сохторӣ, ҳамчунин вазорати дахлдори донишгоҳ ва вазорати маориф низ иштирок мекунанд.