МЕҲРУБОНИИ ТАБИБ

БАР МАРИЗОН ДАСТУ ҚАЛБИ МЕҲРУБОН ДОРАД ТАБИБ,

ДАР ВУҶУДИ ХЕШ СИРРЕ НОАЁН ДОРАД ТАБИБ.

ҲАРФ-ҲАРФАШ ДОИМО САРШОРИ ЛУТФУ МАРҲАМАТ,

ҶУЗ БА ДОРУҲО ТАБОБАТ БО ЗАБОН ДОРАД ТАБИБ.

МЕКУНАД ХУШВАҚТУ СОЛИМ ХЕШТАНРО ВОНАМУД,

ГАРЧИ БЕМОР АСТУ ДАРДЕ ДАР НИҲОН ДОРАД ТАБИБ.

МЕКАШАД БАҲРИ ШИФОИ ҲАР МАРИЗЕ ДАРДУ ҒАМ,

ҶОНИ ҒАМПАРВАРДАЕ ДАР ҲАР ЗАМОН ДОРАД ТАБИБ.

ХУШ БУВАД АҲВОЛИ БЕМОР ДОН, КИ БО ШАВҚУ ҲАВАС,

СУРХРӮЙИҲО МИЁНИ МАРДУМОН ДОРАД ТАБИБ.

АЗ НИГОҲИ НУРБОРАШ ҶОНУ ДИЛ РАВШАН БУВАД,

ДАР ЗАМИРАШ МАШЪАЛИ ПАРТАВФИШОН ДОРАД ТАБИБ.

ДОН, КИ АСРОРЕСТ ДАР КОРИ ТАБОБАТ АЗ АЗАЛ,

РАБТ РӮҲАН З-ИН САБАБ БО ОСМОН ДОРАД ТАБИБ.

БАЪДИ СУҲБАТҲО БА БЕМОРОН БА ДИЛ АЗ ХУРРАМӢ,

БО ЗАБОНИ БЕЗАБОНӢ ТАРҶУМОН ДОРАД ТАБИБ.

САРНАВИШТЕ ҲАСТ, ҲАМ БЕМОРУ ҲАМ МОРО НАСИБ,

САРНАВИШТИ ПУР ЗИ ҲИКМАТ ҶОВИДОН ДОРАД ТАБИБ.

ЭЙ ХУШО ХУШБАХТ БОДО ДӮСТАМ ГӮЁ ҲАКИМ,

АЗ ҲАЁТИ ХЕШ САДҲО ДОСТОН ДОРАД ТАБИБ.

(БО ТАХАЛЛУСИ ҲАКИМ ГӮЁ)