ТАҶЛИЛИ РӮЗИ МОДАР ДАР КАФЕДРАҲОИ ДОНИШГОҲ
Ба истиқболи Рӯзи Модар ҳафтаи равон Донишгоҳ симои идонаро ба бар карда буд. Саҳни Донишгҳ ва биноҳои таълимии он бо шиору овезаҳои ҷашнӣ оро дода шуд. Бахшида ба ин рӯзи муборак дар кафедраҳои Донишгоҳ чорабиниҳои муҳимми сиёсиву фарҳангӣ, адабию маърифатӣ ва тарбиявию тантанавӣ ташкилу баргузор карда шуданд. Аз 3-юм то 7-уми моҳи март чунин чорабиниҳои идона дар кафедраҳои бемориҳои дарунии № 3, нигоҳдории тандурустӣ ва омори тиббӣ бо курси таърихи тиб, физиологияи нормалӣ, акушерӣ ва гинекологии № 2, бемориҳои кӯдаконаи № 1, бемориҳои кӯдаконаи № 2, физиологияи патологӣ бо шукӯҳу шаҳомати хосса таҷлил карда шуданд. Дар ҳар як чорабиниҳои зикршуда аз таваҷҷуҳи роҳбарияти олии сиёсии мамлакат нисбати зан-модари тоҷик, ғамхориҳои модар ва меҳру муҳаббати модар нисбати фарзанд сухан рафта, маърӯзаҳои пурмуҳтаво шунида шуда, шеърҳо қироат карда шуданд. Инчунин, ба намоиш гузоштани саҳначаҳои тарбиявӣ самимияти дигари модар нисбати фарзандро дар пай дошта аз манфиат холӣ набуданд.
Хотиррасон менамоем, ки санаи 6-уми марти соли ҷорӣ дар толори “Сино”-и Пажӯҳишгоҳи тибби бунёдӣ бо иштироки доираи васеи ҳайати профессорону омӯзгорон, кормандон ва муҳассилин чорабинии калони идона баргузор гардид, ки дар рафти он ректори Донишгоҳ, профессор Муҳиддин Нуриддин Давлаталӣ суханронӣ намуда, як қатор омӯзгорони Донишгоҳ-аз ҳисоби занонро бо сипосномаву ифтихорномаҳо ва медалҳои ҷашнии ба номи профессорн Ю. Б. Исҳоқӣ ва М. Ғ. Ғуломов қадрдонӣ намуданд.
Чорабиниҳои идона дар дигар сохторҳои Донишгоҳ идома доранд.
