Об асту ҳаёт пойдор аст...

Об асту ҳаёт пойдор аст...

       Дар кафедраи Таълими асосҳои бемориҳои кӯдакона аз санаи 25. 02. Соли 2019 то 05.03. соли 2019 дарсҳои кушод оиди Даҳсолаи байналмилалии амал “Об барои рушди устувор 2018-2028” бо иштироки муаллимони кафедра ва донишҷӯёни курсҳои 3-юми факултетҳои тиббӣ ва педиатрии Донишгоҳ гузаронида шуд, ки ҳар як гурӯҳ бо иштироки фаъоли худ маърӯзаҳои тайёр намудаашонро пешкаши устодон ва донишҷӯён намудаанд.


Об асту ҳаёт пойдор аст,

Об асту замину кишту кор аст.

Маҳсули ҳама ҷаҳони ҳастӣ,

Аз ҳастии оби файзбор аст.

 

        Қатъномаи маҷмуаи умумии СММ Даҳсолаи байналмилалии амал “Об барои рушди устувор 2018-2028” 21-уми декабри соли 2018 маҷмуаии умумии СММ қатъномаи A RES 71 222-ро зери унвони Даҳсолаи байналмилалии амал “Об барои рушди устувор 2018-2028” бо ҳаммуаллифии 177 кишвари узви СММ қабул намуд.

     Зимни суханронӣ дар форум Пешвои миллат, Асосгузори сулҳу ваҳдати миллӣ, Президенти кишвар муҳтарам Эмомалӣ Раҳмон зикр карда буд, ки “Таъдиду хатарҳои муосири глобали, аз ҷумла буҳронҳои молиявию иқтисодӣ, афзоиши аҳолӣ, тағйири иқлим, зуд-зуд рух додани ҳодисаҳои офатборӣ, гидрометерологӣ, норасоии об дар натиҷа боло рафтани сатҳи камбизоати, гузариши бемориҳои сирояткунанда ва афзоиши фавти модару кӯдак, аз мо саъю талоши бештар ва дар ин арса андешидани тадбирҳои марбутаро тақозо доранд”.

 

Ташнагонро об додан баски мебошад савоб,

Лутфу эҳсони ҳақиқи ихтиёри мешавад.

 

        Мутобиқи қатъномаи мазкур давраи солҳои 2018-2028 ҳамчун Даҳсолаи байналмилалии амал “Об барои рушди устувор” эълон шуд, ки он 22-юми марти соли 2018 сар шуда, 22-юми марти соли 2028 ба анҷом мерасад (22-юми март Рӯзи ҷаҳонии захираҳои об мебошад).

 

Зи ҷуе ки хурди аз он оби пок,

Набояд фиканд дар он сангу хок.

 

        Ба ҳамагон маълум аст, ки ташаббуси Даҳсолаи байналмилалии амалиёти “Об барои ҳаёт, солҳои 2018-2028”, соли 2003 аз ҷониби Президенти Ҷумҳурии Тоҷикистон пешниҳод шуда буд. Худи ҳамон сол бо ташаббуси Тоҷикистон, СММ қатъномаеро қабул кард, ки тибқи он соли 2018-2028 ҳамчун Даҳсолаи байналмилалии амалиёти “Об барои ҳаёт” эълон гардид.

          Бунёди шабакаҳо ва мусоидат ба ташаккули шарокат ва фаъолияти тарафҳои манфиатдор дар таркиби ҳадафҳо ва вазифаи марбут ба захираи об ҳаст.

   Такмили абзор, ташаккул ва интишори дониш, осонгардонии дастраси ба дониш ва мубодилаи иттилоот роҷеъ ба таҷрибаи беҳтарин, баҳрабардори аз иттилооти ҷадид дар бораи рушди устувори марбут ва захираҳои об мебошад.

          Дар идомаи дарсҳои тарбиявӣ омӯзгорони кафедра   баромад карда, изҳор намуданд ба донишҷӯён, ки онҳо дар ҳаёт ва фаъолияти худ аз дастгириҳои Пешвои миллат, Асосгузори сулҳу ваҳдати миллӣ, Президенти Ҷумҳурии Тоҷикистон мӯҳтарам Эмомалӣ Раҳмон, неъматҳои табиат ва пешравҳои давлат истифода баранд ва онро ҳамчун гавҳараки чашм эҳтиёт намоянд ва дар сатҳи умумиҷаҳонӣ бо ахлоқи намунавӣ, кор ва фаъолияти хуби худ давлати ҳуқуқбунёдӣ демократии ҷавони худро ба зинаҳои баланд бардоранд.

 

Кафедраи таълими асосҳои бемориҳои кӯдакона

06.03.2019     39

Гузариш ба саҳифаи: