«Солимии ҷавонон-солимии миллат»
7- уми марти соли 2020 дар толори Донишгоҳи техникии Тоҷикистон ба номи академик Муҳаммад Осимӣ зери шиори «Солимии ҷавонон-солимии миллат» аксияи солимгардонию фаҳмондадиҳиро баргузор намуданд.
Дар доираи аксияи мазкур волонтиёрони Шуъбаи кор бо ҷавонон бо донишҷӯёну омӯзгорони ҷавон сӯҳбату вохӯриҳо анҷом дода доир ба ВНМО/БПНМ ва «Коронавирус» сироятёби ва оқибатҳои он, инчунин роҳҳои пешгирӣ аз сироятшавӣ иттилоъ дода, ҳамчунин дастурамалҳои иттилоотӣ оид ба ин вабоҳои аср тақсим карда шуд, ки он ба баланд бардоштани сатҳи огаҳии мардум ё худ ҷавонон оиди ВНМО/БПНМ, «Коронавирус» ва паст намудани сироятшавӣ нақши муҳимро бозида тамоми табақаи ҷомеаро аз ин вабоҳои аср ҳушдор менамояд.
Бояд қайд намуд, ки дар аксияи мазкур волонтиёрони Шуъбаи кор бо ҷавонон бо ҳамроҳии мудири шуъба иштирок намуда, дар толори ғунҷоишаш 300 нафараи Донишгоҳи техникии Тоҷикистон ба номи академик Муҳаммад Осимӣ доир ба бемориҳои сироятӣ ВНМО/БПНМ ва «Коронавирус» сироятёбӣ ва оқибатҳои он, конфронсияи таблиғотию фаҳмондадиҳӣ баргузор намуданд, ки аз тарафи ҷавонону донишҷӯён донишгоҳи боло зикр хело хуб пазируфта шуд.
Мудири Шуъбаи кор бо ҷавонон Шарифов Қ.О.
11.03.2020
187