<h5 class='text-justify p'>Ба иттилои Шумо мерасонем, ки тибқи Нақша-чорабиниҳои якҷояи Вазорати маориф ва илми Ҷумҳурии Тоҷикистон ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҷиҳати таъсис додани намояндагии «Иттифоқи ҷавонони Тоҷикистон» дар муассисаҳои таҳсилоти олӣ ва миёнаи касби санаи 26-уми ноябри соли 2019 дар МДТ «ДДТТ ба номи Абӯали ибни Сино» бори нахуст намояндагии «Иттифоқи ҷавонони Тоҷикистон» ташкил карда шуд, ки он расман дар санаи зикрёфта ба фаъолият шурӯъ намуд. </h5>
<h5 class='text-justify p'>Бояд қайд намуд, ки дар санаи 26-уми ноябр соати 14:00 ҷаъмомади кушодашавии филиали «Иттифоқи ҷавонони Тоҷикистон» дар МДТ «ДДТТ ба номи Абӯали ибни Сино» гузаронида шуд, ки дар он Муовини озоди раиси Иттифоқи ҷавонони Тоҷикистон – Раҳимзода Умед, Раиси филиали Иттифоқи ҷавонони Тоҷикистон дар шаҳри Душанбе - Мирзозода Иброҳим, Раиси филиали Иттифоқи ҷавонони Тоҷикистон дар ноҳияи Исмоили Сомонӣ-Иброҳимзода Амир, мудирони Шуъбаҳои кор бо ҷавонони муассисаҳои таҳсилоти олӣ ва миёнаи касбии шаҳри Душанбе ва зиёда аз 160 нафар омӯзгорони ҷавону донишҷӯёни донишгоҳ ширкат варзиданд.</h5>
<h5 class='text-justify p'>Қобили зикр аст, ки дар маҷлиси мазкур Мақомоти роҳбарикунандаи маҷлис, рӯзномаи маҷлис ва раиси намояндагии «Иттифоқи ҷавонони Тоҷикистон» дар МДТ «ДДТТ ба номи Абӯали ибни Сино» бо роҳи овоздиҳии кушода ба роҳ монда шуда, Раиси намояндагии «Иттифоқи ҷавонони Тоҷикистон» дар донишгоҳ мудири Шуъбаи кор бо ҷавонон Шарифов Қ.О. интихоб гардиданд.</h5>
<h5 class='text-right font-bold'>Мудири
Шуъбаи кор бо ҷавонон                    Шарифов Қ.О.</h5>

---